კომბინატის დასახლების ტერიტორიაზე გუშინ მომხდარი შემთხვევის დროს დაჭრილი ახალგაზრდა მამაკაცის ჯანმრთელობის მდგომარეობა კვლავ კრიტიკულად მძიმეა. ექიმების განცხადებით, ამ ეტაპზე მის სიცოცხლეს საფრთხე არ ემუქრება, შემდგომი მკურნალობის საკითხი კი, საკონტროლო კლინიკურ-ლაბორატორიული კვლევების საფუძველზე გადაწყდება.

„პაციენტი იმყოფება კრიტიკული მედიცინის განყოფილებაში, მდგომარეობა შედარებით დასტაბილურდა, კიდური შენარჩუნებულია, იგეგმება საკონტროლო კლინიკურ-ლაბორატორიული კვლევები და შემდგომ გადაწყდება პაციენტის გადაყვანის საკითხი ქირურგიულ განყოფილებაში.

კლინიკაში შემოყვანისას პაციენტს აღენიშნებოდა მხრის არტერიის დაზიანება და ჩაუტარდა პლასტიკა, არტერიის გადანერგვა. ამჟამად, მისი ჯანმრთელობის მდგომარეობა სტაბილურად მძიმეა“, - განაცხადა გიორგი გივიაშვილმა.

შემთხვევა გუშინ საღამოს მოხდა, მომხდარ ფაქტზე მიმდინარეობს გამოძიება.