ახალი კორონავირუსით ინფიცირებული 75 წლის მამაკაცი, რომელიც სოფელ მუშევანიდან იყო, ახლახანს გარდაიცვალა.

მამაკაცს მკურნალობა თბილისის რესპუბლიკურ საავადმყოფოში უტარდებოდა. კლინიკის დირექტორის, ლევან გოფოძის ინფორმაციით, პაციენტს აღენიშნებოდა უმძიმესი გართულებები - სეპტიური შოკი, ფილტვის ემბოლია, ასევე, ინსულტი და იმის მიუხედავად, აღნიშნულ პაციენტთან ბოლო ტესტირების პასუხი უარყოფითი იყო, მძიმე შედეგი მაინც დადგა.

მთავრობის მიერ სპეციალურად შექმნილი ვებგვერდის, stopcov.ge-ს ბოლო ინფორმაციით, ამ დროისთვის ქვეყანაში კორონავირუსის დადასტურებული შემთხვევების რაოდენობა 796-ს შეადგენს. ინფიცირებულთა საერთო რაოდენობიდან გამოჯანმრთელდა 634 ადამიანი.

კარანტინის რეჟიმში იმყოფება 2424 პირი, სტაციონარული მეთვალყურეობის ქვეშ არის 304 პაციენტი.

გარდაცვლილია 13 ინფიცირებული.