ისტორიის მეცნიერებათა დოქტორმა და საპატიო გორელმა, პროფესორმა ელდარ მამისთვალიშვილმა, საკუთარი სამეცნიერო მონოგრაფიის ახალი, შევსებული გამოცემა ფართო საზოგადოებას გააცნო. „გორის ისტორია“,  ავტორმა, დაინტერესებულ პირებს  სერგი მაკალათიას სახელობის ისტორიულ-ეთნოგრაფიული მუზეუმის საკონფერენციო დარბაზში წარუდგინა.

შეხვედრას, ადგილობრივი ხელისუფლების წარმომადგენლებთან ერთად, დაწესებულების მეცნიერ-თანამშრომლები და ავტორის კოლეგები ესწრებოდნენ.

ღონისძიების ბოლოს, მშობლიური ქალაქისადმი გაწეული ღვაწლის, მუზეუმის ერთგულების, მეგობრობისა და აქტიური თანამშრომლობისთვის, ელდარ მამისთვალაშვილს, ენოგრაფიული მუზეუმის ხელმძღვანელმა, თინათინ სოსანიძემ მადლობის სიგელი გადასცა.