ტურიზმი
07.05.2020 14:31
15 ივნისიდან საქართველოში ადგილობრივი ტურიზმის სერვისების მიწოდება აღდგება, პირველი ივლისიდან კი, უცხოელი ტურისტების მიღება დაიწყება
15 ივნისიდან საქართველო გაიხსნება ადგილობრივი ტურიზმის სერვისების მიწოდებისთვის, - ამის შესახებ საქართველოს პრემიერ-მინისტრმა, გიორგი გახარიამ ტურიზმის გახსნის ანტიკრიზისული გეგმის წარდგენისას განაცხადა.
პრემიერის თქმით, პირველი ივლისიდან კი, საქართველო იქნება მზად იმისთვის, რომ მიიღოს უცხოური ტურისტები.
„ამას გავაკეთებთ როგორც ჩვენს მეზობელ ქვეყნებთან სახმელეთო საზღვრებზე უსაფრთხო კორიდორების შექმნით, ასევე გავაკეთებთ უსაფრთხო კორიდორების შექმნის შესაძლებლობით, ორმხრივი მოლაპარაკების თვალსაზრისით ტურისტულად ჩვენთვის საინტერესო ქვეყნებიდან. ეს მოლაპარაკებები უკვე დაწყებულია. საქართველო იქნება ერთ-ერთი პირველი ქვეყანა, რომელიც გახსნის თავის საზღვრებს და ტურისტულ ინფრასტრუქტურას იმისთვის, რომ მიიღოს უცხო ქვეყნიდან სტუმრები“, - განაცხადა გიორგი გახარიამ.
