საზოგადოება
17.11.2026 13:55
აგროთანადაფინანსების სახელმწიფო პროგრამა გრძელდება

აგროთანადაფინანსების სახელმწიფო პროგრამა, რომელიც პირველადი წარმოების, სასოფლო-სამეურნეო პროდუქციის შენახვის და გადამუშავების მიმართულებების პროექტების თანადაფინანსებას ითვალისწინებს, გრძელდება.

როგორც სოფლის განვითარების სააგენტოში აცხადებენ, პროგრამის მიზანს პირველადი წარმოების ზრდა, აგროსექტორში ღირებულებათა ჯაჭვის განვითარება და პროდუქციის შენახვა-გადამუშავების ინფრასტრუქტურის შექმნა-გაუმჯობესება წარმოადგენს.

პროგრამა მოიცავს შემდეგ კომპონენტებს: პირველადი წარმოების თანადაფინანსება; გადამამუშავებელი და შემნახველი საწარმოების თანადაფინანსება; შეღავათიანი აგროკრედიტი ძირითადი საშუალებებისთვის; შეღავათიანი აგროკრედიტი საბრუნავი საშუალებებისთვის და სასაკლაოს მოწყობის თანადაფინანსება.

„პროექტით სარგებლობა შეუძლია რეგისტრირებულ მეწარმე ფიზიკურ პირს (ინდივიდუალურ მეწარმეს) ან  მეწარმე იურიდიულ პირს, რომელშიც  სახელმწიფო არ ფლობს წილს/პაის/აქციას. ამასთანავე, პროგრამაში მონაწილეობის მისაღებად აუცილებელია პოტენციური ბენეფიციარი დარეგისტრირდეს ფერმერული მეურნეობებისა და სოფლად არსებული საწარმოების რეესტრში“, - აცხადებენ სააგენტოში. 
კვირის ამბები