საზოგადოება
16.11.2026 13:16
პროფესიულ საგანმანათლებლო დაწესებულებებში ჩარიცხვისთვის საჭირო დოკუმენტაციის მიღება დაიწყო

პროფესიულ საგანმანათლებლო დაწესებულებებში, 2026 წლის საშემოდგომო მიღებაზე ჩარიცხვისთვის საჭირო დოკუმენტაციის მიღება დღეიდან, 16 ნოემბრიდან დაიწყო.

როგორც განათლების მართვის საინფორმაციო სისტემაში აცხადებენ, აპლიკანტთა ჩარიცხვის საბოლოო შედეგები უკვე ხელმისაწვდომია ონლაინ პლატფორმაზე - vet.ge. თითოეულ აპლიკანტს საკუთარი მონაცემების ნახვა პირად სარეგისტრაციო სივრცეში, განყოფილებაში „შედეგები“ შეუძლია. რაც შეეხება სასწავლო პროცესის დაწყების თარიღს, 1-ელ დეკემბერს დაიწყება.

„განათლების მართვის საინფორმაციო სისტემა უზრუნველყოფს ჩარიცხვის პროცესის ავტომატიზებულად წარმართვას, რეიტინგული სიების შედგენასა და შედეგების დროულ და გამჭვირვალე ხელმისაწვდომობას“, - აცხადებენ უწყებაში.

კვირის ამბები