საქართველოს პარლამენტმა დაამტკიცა ინიციატივა, რომლის ამოქმედების შედეგად დეკრეტული შვებულების თანხა აღარ დაყადაღდება.

 „სააღსრულებო წარმოებათა შესახებ“ კანონში შეტანილი ცვლილებების თანახმად, ყადაღას და აღსრულებას არ დაექვემდებარება ორსულობის, მშობიარობის და ბავშვის მოვლის გამო ანაზღაურებადი შვებულების პერიოდზე ბიუჯეტიდან გასაცემი ფულადი დახმარება.

კანონპროექტი რომელიც „ქართული ოცნების“ დეპუტატებმა წარადგინეს, საკანონმდებლო ორგანოში მესამე მოსმენით დამტკიცდა.