შოთა ჩოჩიშვილის სახელობის გორის კომპლექსური სპორტული სკოლის ფრენბურთელ გოგონათა გუნდი კასპის ღია პირველობის გამარჯვებულია.

„გორმა" შეჯიბრი სეტის წაუგებლად დაასრულა. პირველ შეხვედრაში კასპის გუნდს (2:0) სძლია, ფინალურ შეხვედრაში კი გორელებმა ქარელის გუნდი 2:0 დაამარცხეს.

ტურნირზე „გორი“ შემდეგი შემადგენლობით ასპარეზობდა: მარიამ ბარჯაძე, მარიამ წულაია, ნანკა ლოქაბიძე, მარიამ აჯარი, ანასტასია კაპანაძე, ნატალია ჩილინგარაშვილი, კატო თოფჩიშვილი, ანასტასია როინიშვილი, მარიამ დათუნაშვილი, ბარბარე სილაგაძე, ტასო სამადალაშვილი, ანასტასია მოწყობილი, ანანო ბაბუციძე, ანანო ასკილაშვილი (მწვრთნელები: თინა ფსუტური, ნინო სირაძე).

ღია პირველობა კასპის სპორტული კომპლექსის დარბაზში ჩატარდა. შეჯიბრში კასპის, გორის, ქარელის და თბილისის გუნდები ასპარეზობდნენ.