ბაჰამის კუნძულების მიმართულებით მფრინავი კერძო თვითმფრინავი Learjet60 ფლორიდაში, პალმ-ბიჩის ოლქში ჩამოვარდა.

თვითმფრინავი ტეხასის შტატიდან, ოსტინიდან ბაჰამის კუნძულებისკენ მიფრინავდა.

ავიაკატასტროფის დროს, ბორტზე მყოფი ყველა ადამიანი დაიღუპა.

გარდაცვლილებს შორის არიან პილოტები და ცნობილი ტექნოლოგიური მეწარმის - ადამ რობინსონის ოჯახის წევრები.

ავიაკატასროფამდე რამდენიმე წუთით ადრე პილოტმა განაცხადა, რომ ძლიერი ტურბულენტობის და ნალექის ზონაში შევიდნენ, რაც, სავარაუდოდ, კატასტროფის მიზეზი გახდა.

თვითმფრინავი საავტომობილო გზის სიახლოვეს ჩამოვარდა და აფეთქდა.