1-ელი ოქტომბერი საქართველოსა და მსოფლიო ისტორიაში არაერთი გარდამტეხი პოლიტიკური, სამხედრო თუ კულტურული მოვლენით არის ცნობილი.

2012 წელი - საქართველოს თანამედროვე ისტორიაში უმნიშვნელოვანესი თარიღია. ამ დღეს გამართულ საპარლამენტო არჩევნებში კოალიცია „ქართულმა ოცნებამ“ გაიმარჯვა, რის შედეგადაც, ქვეყანაში პირველად მოხდა ხელისუფლების გადაცემა დემოკრატიული, არჩევნების გზით.

1918 წელი - საქართველოს პირველი დემოკრატიული რესპუბლიკის პერიოდში მიიღეს უმნიშვნელოვანესი კანონი სახელმწიფო ენის შესახებ, რომლითაც ქართულ ენას ოფიციალური სტატუსი მიენიჭა

ძვ. წ. 331 წელი - გავგამელას ბრძოლა: ალექსანდრე მაკედონელმა გადამწყვეტი დამარცხება მიაყენა სპარსეთის მეფე დარიოს III-ს, რამაც აქემენიანთა იმპერიის საბოლოო დაცემა განაპირობა.

1949 წელი - მაო ძედუნმა პეკინში საზეიმოდ გამოაცხადა ჩსრ-ის (ჩინეთის სახალხო რესპუბლიკა) შექმნა, რაც თანამედროვე აზიის ისტორიაში უდიდესი გარდამტეხი მომენტი გახდა.

1946 წელი - ნიუნბერგში დასრულდა მეორე მსოფლიო ომის მთავარი ნაცისტი დამნაშავეების სასამართლო პროცესი, სადაც გამოცხადდა განაჩენები კაცობრიობის წინაშე ჩადენილი დანაშაულებისთვის.

1958 წელი - ამ დღეს ოფიციალურად დაიწყო ფუნქციონირება აშშ-ის კოსმოსურმა სააგენტომ (NASA), რომელმაც უდიდესი როლი ითამაშა კოსმოსის ათვისების ეპოქაში.

1908 წელი - Ford Model T-ის გამოშვება - ჰენრი ფორდის კომპანიამ გაყიდვაში ჩაუშვა ლეგენდარული ავტომობილი, რომელმაც სათავე დაუდო მასობრივ ავტოწარმოებას მსოფლიოში.

1-ელ ოქტომბერს დამოუკიდებლობის დღეს აღნიშნავენ ნიგერია (1960 წელს გაერთიანებული სამეფოსგან) და კვიპროსი.

ხანდაზმულთა საერთაშორისო დღე - გაეროს გადაწყვეტილებით, აღინიშნება უფროსი თაობის წარმომადგენელთა უფლებების დასაცავად და მათი ღვაწლის დასაფასებლად.

ვეგეტარიანელთა მსოფლიო დღე - საფუძველი ჩაეყარა 1977 წელს ცხოვრების ჯანსაღი წესისა და ეკოლოგიური ცნობიერების ამაღლების მიზნით.

მუსიკის საერთაშორისო დღე - იუნესკოს ინიციატივით 1975 წლიდან აღინიშნება და ემსახურება სხვადასხვა კულტურის დაახლოებას მუსიკალური ხელოვნების საშუალებით.

„ვარდისფერი ოქტომბრის“ დასაწყისი - 1-ელი ოქტომბრიდან იწყება ძუძუს კიბოს წინააღმდეგ ბრძოლის და ცნობიერების ამაღლების საერთაშორისო თვე.