საზოგადოება
20.04.2020 19:51
საავტომობილო გადაადგილების აკრძალვა ძალაში 21 აპრილის ჩათვლითაა, გახანგრძლივდება თუ არა ეს აკრძალვა - ხვალ გაირკვევა
საქართველოს მთავრობის ადმინისტრაციის განმარტავს, რომ საავტომობილო გადაადგილების აკრძალვა ძალაშია 21 აპრილის ჩათვლით, ანუ 22 აპრილამდე, შესაბამისად, ხვალ მოქალაქეებისთვის მსუბუქი ავტომანქანებით მოძრაობა ნებადართული არ არის.
გახანგრძლივდება თუ არა ეს აკრძალვა, როგორვ ცნობილია, ამის შესახებ პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭო ხვალ იმსჯელებს, რის შემდეგაც მიღებული გადაწყვეტილების შესახებ გასაჯაროვდება. მთავრობის ადმინისტრაცია მოუწოდებს მოქალაქეებს, გაითვალისწინონ აკრძალვის მოქმედების ვადები, რათა თავიდან აიცილონ კანონის დარღვევა და ამგვარი ქმედებისთვის დაწესებული ჯარიმები.
