გარემოს დაცვისა და სოფლის მეურნეობის სამინისტროს შპს „საქართველოს მელიორაცია“ შიდა ქართლში სამელიორაციაო ინფრასტრუქტურის მოწესრიგების სამუშაოებს ახორციელებს.

ამ ეტაპზე, ქარელის მუნიციპალიტეტში, ტაშისკარის სარწყავი სისტემის გამანაწილებელი არხები დაგროვილი ნატანი მასისგან და მცენარეული საფარისგან გაიწმინდა, რის შედეგადაც წყალუზრუნველყოფილია 200 ჰექტარი სასოფლო-სამეურნეო მიწის ფართობი.

„ჩატარებული სამუშაოების შემდეგ 4 სოფლის - წვერის, არადეთის, საღოლაშენის და ბრეთის მოსახლეობას სარწყავი წყლის მიწოდება გაუუმჯობესდა, რაც ხელს შეუწყობს ფერმერებს სასოფლო-სამეურნეო მიწები უფრო ეფექტიანად გამოიყენონ და ხარისხიანი, უხვი მოსავალი მიიღონ“, - აცხადებენ საქართველოს მელიორაციაში.