საინტერესო ამბები
17.08.2026 10:15
17 აგვისტო - რა მოხდა ამ დღეს
17 აგვისტო მსოფლიო ისტორიაში არაერთი მნიშვნელოვანი ტექნოლოგიური მიღწევით, პოლიტიკური მოვლენითა და საინტერესო ფაქტით არის გამორჩეული.
1807 წელი - რობერტ ფულტონის მიერ გამოგონილმა პირველმა კომერციულმა ორთქლმავალმა აშშ-ში, მდინარე ჰუდზონზე, პირველი წარმატებული მოგზაურობა განახორციელა.
1858 წელი - პირველად ისტორიაში, დეპეშის მეშვეობით დამყარდა ტრანსატლანტიკური სატელეგრაფო კავშირი ევროპასა და ამერიკას შორის.
1970 წელი: საბჭოთა კავშირმა წარმატებით ჩაუშვა კოსმოსური სადგური „ვენერა-7“, პირველი ხელოვნური აპარატი, რომელიც სხვა პლანეტაზე (ვენერაზე) წარმატებით დაეშვა და დედამიწას მონაცემები გადასცა.
1982 წელი: გერმანიაში, კომპანია Philips-ის ქარხანაში, მსოფლიოში პირველი კომპაქტ-დისკი (CD) დამზადდა, რომელზეც ჯგუფ ABBA-ს ალბომი ჩაიწერა.
1962 წელი: ბერლინის კედელთან 18 წლის პეტერ ფეხტერი აღმოსავლეთ გერმანიელმა მესაზღვრეებმა დასავლეთში გადასვლის მცდელობისას მოკლეს. ის გახდა ბერლინის კედლის ერთ-ერთი პირველი და ყველაზე სიმბოლური მსხვერპლი.
1908 წელი: პარიზში შედგა მსოფლიოში პირველი ანიმაციური ფილმის - „ფანტასმაგორიის“ პრემიერა, რომელიც ფრანგმა კარიკატურისტმა ემილ კოლმა შექმნა.
1999 წელი: თურქეთის ჩრდილო-დასავლეთ ნაწილში (იზმითის რეგიონში) მოხდა კატასტროფული მიწისძვრა, რომელმაც 17 000-ზე მეტი ადამიანი იმსხვერპლა.
