საქართველოს განათლების, მეცნიერებისა და ახალგაზრდობის სამინისტრომ საჯარო სკოლების დაწყებითი საფეხურის მოსწავლეთა სასკოლო ფორმის ღირებულება განსაზღვრა.

უწყების ინფორმაციით, სასკოლო პიჯაკის ღირებულება 45 ლარი, ხოლო სასკოლო შარვლის და სასკოლო ქვედაკაბის ღირებულება - 25 ლარია.

შეგახსენებთ, 2026-2027 სასწავლო წლიდან დაწყებითი საფეხურის მოსწავლეებისთვის სასკოლო ფორმის ტარება სავალდებულო ხდება. პრემიერ-მინისტრის გადაწყვეტილებით კი, ყველა მოსწავლე, რომლის ოჯახის სარეიტინგო ქულა 60 000 ქულაზე ნაკლებია, ფორმას უფასოდ მიიღებს.

კომპანია „გლორი ტექსტილი ინდასთრის“ სამკერვალოსთან გაფორმებული ხელშეკრულება 1 801 000 ერთეული სასკოლო ფორმის შეკერვას ითვალისწინებს და ფორმების მიწოდება სკოლებისთვის ეტაპობრივად განხორციელდება. დეტალური ინფორმაცია განრიგის შესახებ ზაფხულის პერიოდში გამოქვეყნდება.