უეფას კონფერენს ლიგის მეორე საკვალიფიკაციო ეტაპზე გორის „დილა“ კვიპროსის „აპოლონს“ დაუპირისპირდება.

საფეხბურთო კლუბის მიერ გავრცელებული ინფორმაციით, პირველი მატჩი 23 ივლისს ჩატარდება. თამაში 20:00 საათზე დაიწყება და თენგიზ ბურჯანაძის სახელობის გორის ცენტრალური სტადიონი უმასპინძლებს.

მატჩზე დასწრების მსურველებს ბილეთების შეძენა ონლაინ: tkt. ge-ზე, ასევე სტადიონის სალაროებში შეუძლიათ.

შეგახსენებთ, უეფას კონფერენს ლიგის პირველ საკვალიფიკაციო ეტაპზე გორის „დილა“ სან მარინოს „ვირტუსს“ დაუპირისპირდა. ორმატჩიანი შეხვედრაში „დილამ“ ერთი მოგებით (3:1), ხოლო მეორე მარცხით (0:1) დაასრულა და უეფას კონფერენს ლიგის მეორე საკვალიფიკაციო ეტაპზე ასპარეზობის უფლება მოიპოვა.