ანა ფერაძის სახელობის გორის სამხატვრო სკოლაში მოსწავლეთა სადიპლომო ნამუშევრების გამოფენა მოეწყო.

ღონისძიებაზე მოსწავლე-ახალგაზრდებმა აუდიტორიას საკუთარი ნამუშევრები წარუდგინეს. პედაგოგებმა კი სასწავლო წლის შეაჯამებასთან ერთად, სადიპლომო ნამუშევრები შეაფასეს.

აღსანიშნავია, რომ ანა ფერაძის სახელობის გორის სამხატვრო სკოლის ექვსწლიანი სასწავლო კურსი წელს 36-მა მოსწავლემ დაასრულა.

„სამხატვრო სკოლაში მოსწავლეები ხატვას, ფერწერას, კომპოზიციას, ქანდაკების და ხელოვნების ისტორიას ეუფლებიან.

პრაქტიკული და თეორიული ცოდნის მიღებასთან ერთად, მონაწილეობენ გამოფენებში, კონკურსებში და მასტერკლასებში. ჩართულები არიან ღონისძიებებში და სხვადასხვა აქტივობაში“, - აღნიშნავენ სკოლის ადმინისტრაციაში.

მოსწავლეთა სადიპლომო ნამუშევრების გამოფენას ადგილობრივი ხელისუფლების წარმომადგენლები ესწრებოდნენ.