შიდა ქართლის სახელმწიფო რწმუნებულმა სიმონ გულედანმა ახალგორის, ქურთის, ერედვის და თიღვის მუნიციპალიტეტების გამგებლებთან სამუშაო შეხვედრა გამართა.

სამხარეო ადმინისტრაციის ინფორმაციით, შეხვედრაზე მხარეებმა რეგიონში მიმდინარე და დაგეგმილი ინფრასტრუქტურული და სოციალური პროექტები განიხილეს, ასევე არსებულ გამოწვევებსა და სამომავლო თანამშრომლობის მიმართულებებზე იმსჯელეს.

მხარეებმა განსაკუთრებული ყურადღება დევნილი მოსახლეობისთვის საცხოვრებელი პირობების გაუმჯობესებასა და შესაბამისი ინფრასტრუქტურის განვითარებაზე გაამახვილეს. საუბარი შეეხო წყალმომარაგების სისტემების, საგზაო ინფრასტრუქტურის და სხვა მნიშვნელოვანი მიმართულებების მოწესრიგებას.

როგორც სიმონ გულედანმა აღნიშნა, რეგიონში დაგეგმილი პროექტების ეფექტიანად განხორციელებისთვის მნიშვნელოვანია ცენტრალური და ადგილობრივი ხელისუფლების კოორდინირებული მუშაობა.

სამხარეო ადმინისტრაციაში გამართულ შეხვედრას რწმუნებულის მოადგილეები და შიდა ქართლის რეგიონში შემავალი მუნიციპალიტეტების მერები ესწრებოდნენ.