სხვადასხვა დაავადების გავრცელების პრევენციის მიზნით, შინაური მიუსაფარი ცხოველების შიდა ქართლის ინტერმუნიციპალურ სააგენტოში სპეციალური სამუშაოები ტარდება.

როგორც სააგენტოში აცხადებენ, ვოლიერები სპეციალური სადეზინფექციო ხსნარებით ირეცხება და მუშავდება.

„სამუშაოები ყოველდღიურად მიმდინარეობს, რომ სხვადასხვა დაავადების გავრცელების რისკი მაქსიმალურად შემცირდეს და ბინადრებს სუფთა, უსაფრთხო და ჯანმრთელობისთვის ხელსაყრელი გარემო შევუქმნათ“, - აღნიშნეს შინაური მიუსაფარი ცხოველების შიდა ქართლის ინტერმუნიციპალურ სააგენტოში.