თუ გაქვს იდეა, რომელიც სწავლას უფრო საინტერესოს და ეფექტურს გახდის, ახლა საუკეთესო დროა მისი რეალობად ქცევისთვის, - ამის შესახებ ინფორმაციას გორის სახელმწიფო უნივერსიტეტი ავრცელებს.

უმაღლესი საგანმანათლებლო დაწესებულების ინფორმაციით, პროექტში - „სასწავლო-საგანმანათლებლო რესურსები: ინოვაცია და ეფექტურობა თანამედროვე სწავლებაში“ მონაწილეობა შიდა ქართლის საჯარო და კერძო სკოლების პედაგოგებს, უნივერსიტეტის აკადემიურ პერსონალს და მოწვეულ სპეციალისტებს, რომლებიც პედაგოგიკა-მეთოდიკის მიმართულებით ახორციელებენ სასწავლო კურსებს, უნივერსიტეტის ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამის სწავლების მეოთხე, მეხუთე წლის სტუდენტებს და უნივერსიტეტის მასწავლებლის მომზადების საგანმანათლებლო პროგრამაზე ჩარიცხულ პირებს შეუძლიათ, რომლებსაც საკუთარი უნარების, გამოცდილების და ინოვაციური ხედვების წარმოჩენის შესაძლებლობა მიეცემათ.

კონკურსში წარდგენილი სასწავლო-საგანმანათლებლო რესურსები შეიძლება იყოს: ციფრული სასწავლო ვიდეო; ინტერაქტიული პრეზენტაცია; საგანმანათლებლო აპლიკაცია ან ვებ-რესურსი; (ანიმაცია, სიმულაცია, კალკულატორი ტესტი, სასწავლო თამაში, მაკეტები, ოწყობილობები, მოდელები რობოტები და სხვა).

საკონკურსო ნამუშევრების წარდგენა 5 ივნისის ჩათვლითაა შესაძლებელი. მსურველებმა ელექტრონული ფორმატის შემთხვევაში, ნამუშევრები მისამართზე contact @gu. edu. Ge უნდა გააგზავნონ, მატერიალური რესურსები კი უნივერსიტეტის პირველი კორპუსში (ჭავჭავაძის ქ. №53) წარადგინონ.