შოთა ჩოჩიშვილის სახელობის გორის კომპლექსური სპორტული სკოლის ვაჟ ხელბურთელთა გუნდი საქართველოს ჩემპიონატის გამარჯვებულია.

გორელებმა გადამწყვეტ შეხვედრაში თბილისის „ქარიშხალა“ ანგარიშით 14:12 დაამარცხეს და ჩემპიონის ტიტულს დაეუფლნენ, შესაბამისად, თბილისის გუნდი მეორე ადგილზე გავიდა, ვაჟთა შორის მესამე ადგილი კი ბათუმის „ბსბ“-მ დაიკავა.

გამარჯვებულებს და პრიზიორებს თასები და მედლები გადაეცათ.

ლაშა შემშენოვის, თორნიკე გაგლოშვილის და გია მამაცაშვილის ხელმძღვანელობით, საქართველოს ჩემპიონატზე გორის გუნდი შემდეგი შემადგენლობით ასპარეზობდა: გაბრიელ გასიტაშვილი, გიორგი გალუსტაშვილი, გიორგი გორგიშელი, საბა მაზმიშვილი, ნიკოლოზ წერეთელი, დემეტრე მახარაშვილი, იოსებ ხუბულაშვილი, გუგა გვიმრაძე, თამაზ მახოხაშვილი, მათე ღერკენაშვილი და დავით ტერტერაშვილი.

ქვეყნის პირველობა 2014-2015 წწ. დაბადებულებს შორის ჩატარდა და საქართველოს სხვადასხვა ქალაქის 16 გუნდი მონაწილეობდა.