საზოგადოება
10.04.2020 14:28
გორში, თბილისსა და რუსთავში დროებითი სანოტარო ბიუროები გაიხსნა
დღეს გორში, რუსთავსა და თბილისში 3 ახალი, დროებითი სანოტარო ბიურო გაიხსნა - აღნიშნულის შესახებ საქართველოს იუსტიციის მინისტრმა განაცხადა.
„დღეს დილით გორში, რუსთავსა და თბილისში - 3 ახალი დროებითი სანოტარო ბიურო გავხსენით. როგორც კი ნოტარიუსთა პალატა შესაბამის აღჭურვილობას საკმარისი ოდენობით შეიძენს, უფრო მეტი სანოტარო ბიურო განაახლებს ფუნქციონირებას,“ - განაცხადა იუსტიციის მინისტრმა, თეა წულუკიანმა.
ცნობისთვის, სრულად დისტანციურ რეჟიმში განაახლა საქმიანობა აღსრულების ეროვნულმა ბიურომ და ეროვნულმა არქივმა.
