კრივში გამართულ საქართველოს ჩემპიონატზე ავთანდილ შოშიაშვილის სახელობის გორის კრივის სკოლის სპორტსმენებმა ხუთი მედალი მოიპოვეს.

შეჯიბრი ბათუმში ჩატარდა და ასპარეზობები 15-წლამდელთა შორის მიმდინარეობდა. პირველობისთვის როგორც ვაჟები, ასევე გოგონები იბრძოდნენ.

გორელთაგან საქართველოს ჩემპიონის ტიტულს ლუკა გოგიაშვილი (90 კგ; მწვრთნელი: ავთანდილ შოშიაშვილი) დაეუფლა.

ვერცხლის მედალი ნიკოლოზ მაისურაძემ (70 კგ; მწვრთნელი: გიორგი ღვინიაშვილი) მოიპოვა.

ჩემპიონატის ბრინჯაოს პრიზიორები კი ქრისტინე ზუბაშვილი (44 კგ; მწვრთნელი: ბადრი ყულუმბეგაშვილი), ელენე ბიჭაშვილი (48 კგ; მწვრთნელი: ბადრი ყულუმბეგაშვილი) და ზურაბ ტერტერაშვილი (54 კგ; მწვრთნელი: გიორგი ღვინიაშვილი) გახდნენ.