პროგრამირების სასწავლო კურსის - Code-IT მეორე მოდულზე განაცხადების მიღება დაიწყო.

პროექტში მონაწილეობის მიღება 14-18 წლის ახალგაზრდებს შეუძლიათ.

კურსზე ჩასარიცხად მონაწილეებმა გორის განვითარების სააგენტოს ოფიციალურ ფეისბუქგვერდზე განთავსებული სარეგისტრაციო ბმული 22 თებერვლის ჩათვლით უნდა შეავსონ. წარმატებული აპლიკანტები სპეციალური დავალების შესრულების და გასაუბრების საფუძველზე შეირჩევიან.

„პროგრამის ფარგლებში, ახალგაზრდები 16 სალექციო კურსის განმავლობაში, JavaScript-ის პროგრამულ ენას შეისწავლიან. პროექტის დასრულების შემდეგ მონაწილეები მიიღებენ სერტიფიკატს და შესაძლებლობა ექნებათ გაიარონ შემდეგი მოდულები. პროგრამა საქართველოს ბანკთან და ICT ასოციაციასთან თანამშრომლობით ხორციელდება“, - აცხადებენ გორის განვითარების სააგენტოში.