1-ელი თებერვლიდან მშენებლობასთან დაკავშირებული ყველა განაცხადის და დოკუმენტაციის ელექტრონულად წარდგენა სავალდებულო ხდება.

როგორც ადგილობრივ თვითმმართველობაში განმარტავენ, განაცხადების მიღება ელექტრონული პლატფორმის - MS. GOV. GE-ის საშუალებით მოხდება და ახალი სისტემა მომსახურების გამარტივებას, დროის და რესურსების დაზოგვას, ასევე ინფორმაციის საჯარო ხელმისაწვდომობას უზრუნველყოფს.

რაც შეეხება კონკრეტულ სერვისებს, დისტანციურად განხორციელდება: სამშენებლო ნებართვები და შეტყობინებები, ქალაქმშენებლობითი პროექტები, მიწის ნაკვეთების გაყოფა-გაერთიანება, ობიექტის ექსპლუატაციაში მიღება.

ცნობისთვის, ინიციატივა საქართველოს მთავრობის შესაბამისი დადგენილების საფუძველზე (2022 წლის 15 თებერვლის N72-ე დადგენილება) ხორციელდება.