გორის მუნიციპალიტეტში, საოკუპაციო ხაზის პერიმეტრზე მდებარე სოფელ დიცში, საჯარო სკოლის მიმდებარე ტერიტორიაზე საკალათბურთო აკადემია გაიხსნა.

სპორტული სივრცე საქართველოს კალათბურთის ფედერაციის და სპორტის სამინისტროს მხარდაჭერით ჩამოყალიბდა.

საკალათბურთო აკადემია სპორტული ინვენტარით სრულად აღიჭურვა. დამონტაჟდა კალათბურთის ფარები. მოზარდები სათამაშო და სავარჯიშო ფორმებით, ბურთებით დასაჩუქრდნენ.

„საოკუპაციო ხაზთან მცხოვრები ბავშვებისთვის ისტორიული დღეც შედგა. დიცში საკალათბურთო აკადემია გავხსენით. ადგილობრივი და საოკუპაციო ხაზთან მდებარე სოფლებში მცხოვრები ბავშვები სპორტის აღნიშნული სახეობის დაუფლებას უფასოდ შეძლებენ. რაც შეეხება მიზანს, ახალგაზრდების სპორტით დაინტერესება და ჯანსაღი ცხოვრების წესის პოპულარიზაცია წარმოადგენს“, - აღნიშნა პროექტის ორგანიზატორმა გიორგი სამხარაძემ.