ბათუმში მიმდინარე საქართველოს ჩემპიონატზე გორელი თავისუფალი სტილით მოჭიდავეები წარმატებით ასპარეზობენ.

ამ ეტაპზე, გორელთა ანგარიშზე ორი - ვერცხლის და სამი ბრინჯაოს მედალია.

საქართველოს ვიცე-ჩემპიონები ნიკოლოზ ბოჭორიშვილი და გოდერძი ძებისაშვილი გახდნენ. საბა ღამბაშიძემ, დაჩი პაპინაშვილმა და გოგა ოთინაშვილმა კი ბრინჯაოს მედლები მოიპოვეს.

ხუთივე სპორტსმენი ნუგზარ სხირელის სახელობის გორის ჭიდაობის სკოლის წარმომადგენელია.

თავისუფალ ჭიდაობაში ჩემპიონ-პრიზიორები 61, 97 და 125 კგ. წონით კატეგორიაში დღეს გამოვლინდებიან.