პროფესიული განათლების მიმართულებით ინფორმაციის გამოთხოვა პორტალზე my.gov.ge უკვე ელექტრონულადაა შესაძლებელი. სერვისის სახელწოდება კი, „პროფესიული განათლების მიმართულებით ინფორმაციის გამოთხოვაა“.

როგორც ციფრული მმართველობის სააგენტოში აღნიშნავენ, ავტორიზებული ფიზიკური/იურიდიული პირი my.gov.ge-ის საშუალებით შეძლებს: განაცხადის შექმნას და გაგზავნას სსიპ განათლების მართვის საინფორმაციო სისტემის ელექტრონულ კანცელარიაში; განათლების მართვის საინფორმაციო სისტემის ელექტრონული კანცელარიიდან პასუხის მიღებას, შევსებული განაცხადის და მიღებული პასუხის შენახვას; საგანმანათლებლო დაწესებულების სტატუსის შესახებ ინფორმაციის მიღებას, რაც მოიცავს ავტორიზებული, ლიკვიდირებული/საქმიანობაშეწყვეტილი საგანმანათლებლო დაწესებულების სტატუსის შესახებ ინფორმაციას და სხვა სახის ინფორმაციის მიწოდების თაობაზე განათლების მართვის საინფორმაციო სისტემისთვის მიმართვას.