უმაღლესი განათლების მიმართულებით ინფორმაციის გამოთხოვა დაინტერესებულ პირს პორტალზე - my.gov.ge, უკვე ელექტრონულად შეუძლია.

როგორც ციფრული მმართველობის სააგენტოში აღნიშნავენ, პორტალზე ავტორიზებული ფიზიკური/იურიდიული პირი შეძლებს განაცხადის შექმნას და გაგზავნას განათლების მართვის საინფორმაციო სისტემის ელექტრონულ კანცელარიაში.

„my.gov.ge-ის საშუალებით შეძლებთ პასუხის მიღებას, შევსებული განაცხადის და მიღებული პასუხის შენახვას შემდეგი სერვისების მიღების მიზნით: პაროლის ცვლილება (მობილობის ფარგლებში), ინფორმაცია საგანმანათლებლო დაწესებულების სტატუსის შესახებ, ინფორმაცია საგანმანათლებლო პროგრამის სტატუსის შესახებ, ინფორმაცია სტუდენტის სტატუსის შესახებ, სახელმწიფო დაფინანსება/გრანტი და სხვა.

პორტალზე სერვისის სახელწოდებაა - „უმაღლესი განათლების მიმართულებით ინფორმაციის გამოთხოვა“ და სიახლე დაინტერესებულ პირს სერვისის მიღებას გაუმარტივებს“, - აცხადებენ სააგენტოში.