გორის მუნიციპალიტეტის საბავშვო ბაღებში ზამთრის არდადეგები 27 დეკემბრიდან 7 იანვრის ჩათვლით გაგრძელდება, - აღნიშნულის შესახებ „გორის მაცნეს“ გორის მუნიციპალიტეტის სკოლამდელი აღზრდის სააგენტოში განუცხადეს.

„სააგენტომ მიიღო გადაწყვეტილება, რომ ზამთრის არდადეგებისთვის გაგვეთვალისწინებინა 27 დეკემბრიდან 7 იანვრის ჩათვლის არსებული პერიოდი. შესაბამისად, გორის მუნიციპალიტეტის სკოლამდელი აღზრდის დაწესებულებებში სასწავლო პროცესი 26 დეკემბრის ჩათვლით წარიმართება. სააღმზრდელო პროცესს კი, შესაბამისად, 8 იანვარს განვაახლებთ“, - აცხადებენ სააგენტოს საზოგადოებასთან ურთიერთობის სამსახურში.

ცნობისთვის, სეზონური ვირუსების გავრცელების გათვალისწინებით, ამ დროისთვის, ბაღებში თავისუფალი დასწრების რეჟიმი მოქმედებს.