ძიუდოს კლუბი „გოლდენ გორი“ ევროპის საკლუბო ჩემპიონთა ლიგის ბრინჯაოს მედლის მფლობელია.

გორულმა კლუბმა მეოთხედფინალში ყაზახური „ჯენისი“ 4:2 დაამარცხა. ნახევარფინალში სერბულ „რედ სტართან“ 0:4 დამარცხდა და რეპეშაჟში გადაინაცვლა, სადაც თურქეთის „გალათასარაის“ 4:1 სძლია და ბრინჯაოს მედალს დაეუფლა.

„გოლდენ გორი“ რომელიც გორის მუნიციპალიტეტის სპორტის განვითარებისა და ხელშეწყობის სააგენტოს შემადგენლობაშია, ტურნირზე 2018 წლიდან ასპარეზობს.

ევროპის საკლუბო ჩემპიონატი სერბეთის დედაქალაქ ბელგრადში ჩატარდა. შეჯირბში საქართველოს გარდა, საფრანგეთის, გერმანიის, იტალიის, ყაზახეთის, მონტენეგროს, პორტუგალიის, სერბეთის, თურქეთისა და ძიუდოს საერთაშორისო ფედერაციის გუნდები მონაწილეობდნენ.