გორის მუნიციპალიტეტის სოფელ ზერტში საგზაო ინფრასტრუქტურის მოწყობის სამუშაოები მიმდინარეობს.

ადგილობრივი თვითმმართველობის ინფორმაციით, პროექტი რეგიონებში განსახორციელებელი პროექტების ფონდის და გორის მუნიციპალიტეტის მერიის თანადაფინანსებით ხორციელდება.

რაც შეეხება პროექტს, გზის 2 861 მ-იან მონაკვეთს სრული რეაბლიტაცია ჩაუტარდება. პროექტის ფარგლებში ტრანსპორტის სავალი ნაწილი, ​მიერთებები, ეზოში შესასვლელები და სანიაღვრე სისტემა მოეწყობა. გარდა ამისა, დამონტაჟდება საგზაო ნიშნები და მონიშვნები.

შესასრულებელი სამუშაოების ღირებულება 2 705 500 ლარია.