საგზაო უსაფრთხოების მიზნით, გორსა და მუნიციპალიტეტის სოფლებში სიჩქარის შემზღუდავი ბარიერების მოწყობა მიმდინარეობს.

სამუშაოებს კეთილმოწყობის სააგენტო ახორციელებს.

როგორც უწყებაში განმარტავენ, პარალელურად, მუნიციპალიტეტის მასშტაბით, მონტაჟდება საგზაო ნიშნები და იდგმება მოსაცდელები.

„სააგენტოს თანამშრომლები მუნიციპალიტეტის ტერიტორიაზე ახორციელებენ სეზონურ სამუშაოებს. ტარდება სანიაღვრე და სარწყავი არხების გაწმენდითი სამუშაოებიც, რაც ქალაქის იერსახის გაუმჯობესებას ისახავს მიზნად“, - აცხადებენ სააგენტოში.