გორის მუნიციპალიტეტში საშემოდგომო სამუშაოები აქტიურად მიმდინარეობს.

როგორც კეთილმოწყობის სააგენტოში აცხადებენ, ამ ეტაპზე ქალაქის მასშტაბით არსებულ რეკრეაციულ სივრცეებში ბალახის თიბვა, ხეების სხვლა-ფორმირება, ასევე, სკვერების არასახიფათო ნარჩენებისგან (ფოთლების, ბაღის/პარკის ნარჩენების, საყოფაცხოვრებო ნარჩენების) გასუფთავება ხორციელდება.

რაც შეეხება სოფლებს, საშემოდგომო სამუშაოების პარალელურად, სანიაღვრე და სარწყავი არხების გაწმენდითი სამუშაოები ტარდება. ამ ეტაპზე შესაბამისი ღონისძიებები სოფლებში - ფლავში, ახალდაბასა და ქვეშში მიმდინარეობს.