გორის მუნიციპალიტეტში საგზაო ინფრასტრუქტურის მოწესრიგების სამუშაოები აქტიურ რეჟიმში მიმდინარეობს.

ამ დროისთვის, გორში, ოთარ ჩხეიძის ქუჩის რეაბილიტაცია ხორციელდება და ადგილობრივი თვითმმართველობის ინფორმაციით, ამ ეტაპზე, გზის 190-მეტრიან მონაკვეთზე საფეხმავლოების მოწყობა მიმდინარეობს.

„აღნიშნული ქუჩის რეაბილიტაციის პროექტი ადგილობრივი ბიუჯეტის და რეგიონებში განსახორციელებელი პროექტების ფონდის თანადაფინანსებით ხორციელდება და შესასრულებელი სამუშაოების ღირებულება 153 000 ლარია. პროექტის მიხედვით, საფეხმავლოების გარდა, მოეწყობა ტრანსპორტის სავალი ნაწილი და დამონტაჟდება გარეგანათების სისტემაც“, - აცხადებენ გორის მერიაში.