11 და 12 ოქტომბერს დაგეგმილი პროფესიული ტესტირებისთვის რეგისტრირებულ პირებს დღეს, 7 ოქტომბერს შესაძლებლობა აქვთ, მონაწილეობა მიიღონ შეფასებისა და გამოცდების ეროვნული ცენტრის მიერ ორგანიზებულ საცდელ ტესტირებაში.

პრეტესტის გავლა შესაძლებელია ონლაინ, 7 ოქტომბრის 10:00 საათიდან 18:00 საათამდე, შეფასებისა და გამოცდების ეროვნული ცენტრის ოფიციალურ ფეისბუქგვერდზე მითითებული ბმულის გამოყენებით.

„ავტორიზაცია მოხდება პირადი თერთმეტნიშნა ნომრითა და პაროლით: test

საცდელ ტესტირებაში მონაწილეობა ნებაყოფლობითია და გამოსაცდელები შეძლებენ ყოველგვარი შეფასების გარეშე ივარჯიშონ და გაეცნონ სისტემას“, - ნათქვამია შეფასებისა და გამოცდების ეროვნული ცენტრის მიერ გავრცელებულ ინფორმაციაში.