გორელი ახალგაზრდები ბაკურიანში, ინოვაციების ბანაკში - „STEAM SUMMER 2025“ გაემგზავრნენ.

ბანაკის მონაწილეები გორიდან გორის მუნიციპალიტეტის მერის მოვალეობის შემსრულებელმა კონსტანტიონე ბუზალაძემ გააცილა.

ადგილობრივი თვითმმართველობის ინფორმაციით, საგანმანათლებლო პროექტის ფარგლებში, 15-დან 18 წლამდე მოზარდებს, რომლებიც ბაკურიანში 5 დღეს დარჩებიან, თემატური ტრენინგები ჩაუტარდებათ, შეიმუშავებენ ინოვაციურ იდეებს, პროექტებს და ფართო აუდიტორიის წინაშე წარადგენენ.

„პროექტი კასპის ტექნოპარკის ორგანიზებით, საქართველოს ინოვაციების და ტექნოლოგიების სააგენტოს, გორის, კასპის, ქარელის და ხაშურის მუნიციპალიტეტების თანადაფინანსებით ხორციელდება. ბანაკის მონაწილეები კი კონკურსის საფუძველზე შეირჩნენ. პროექტი გორში მცხოვრები ახალგაზრდების STEAM დარგებით დაინტერესებას ისახავს მიზნად“, - აცხადებენ გორის მერიაში.