გორის მუნიციპალიტეტის საბავშვო ბაღებში აღსაზრდელთა განმეორებითი რეგისტრაცია  დღეს, 22 აგვისტოს დასრულდება.

როგორც „გორის მაცნეს“ სკოლამდელი აღზრდის სააგენტოში განუცხადეს,  რეგისტრაციის გასავლელად აღსაზრდელთა მშობლებმა/მეურვეებმა შესაბამისი განაცხადით სააგენტოს (სტალინის 16) 17:30 საათამდე უნდა მიმართონ.

„დარეგისტრირება შესაძლებელი იქნება მხოლოდ იმ ბაღებში, სადაც ვაკანტური ადგილებია დარჩენილი. აღნიშნულის შესახებ ინფორმაციას კი დაინტერესებული პირები სააგენტოში მიიღებენ.  ამასთან, მსურველებმა თან უნდა იქონიონ შემდეგი დოკუმენტები: ბავშვის დაბადების მოწმობის ასლი; ბავშვის ჯანმრთელობის ცნობა; ორი ფოტოსურათი (3X4); მშობლის (კანონიერი წარმომადგენლის) პირადობის მოწმობის ასლი და არსებობის შემთხვევაში შეზღუდული შესაძლებლობის მქონე ბავშვის შემთხვევაში ფორმა N100 და სამედიცინო დაწესებულებიდან გაცემული შეფასების რეკომენდაცია“, - აცხადებენ სააგენტოში.