ქუთაისის საერთაშორისო აეროპორტს ახალი მიმართულება - ვენეცია დაემატება.   

საქართველოს აეროპორტების გაერთიანების ინფორმაციით, ავიარესიებს კომპანია „ვიზეარი“ Airbus A321neo-ს ტიპის ხომალდით  შეასრულებს.

ვენეცია-ქუთაისი-ვენეციის მიმართულებით რეისები კვირაში ორი სიხშირით -  სამშაბათს და შაბათს განხორციელდება. ბილეთების შეძენა ავიაკომპანიის ვებგვერდზეა შესაძლებელი.

ინფორმაციისთვის, „ვიზეარი“ ფრენებს რომის და მილანის მიმართულებით ასრულებს. მესამე მიმართულება - ვენეცია კი, 2 დეკემბრიდან დაემატება.

„ამ ეტაპზე Wizz Air-ი ქუთაისის საერთაშორისო აეროპორტიდან ფრენებს ევროპის და ახლო აღმოსავლეთის 13 ქვეყნის 24 მიმართულებით ასრულებს.

2025 წლის 7 თვის მონაცემებით 900 ათასამდე მგზავრს მოემსახურა და 4 800 რეისი შეასრულა“, – ნათქვამია აეროპორტების გაერთიანების მიერ გავრცელებულ ინფორმაციაში.