რეგიონი
31.07.2025 11:53
შიდა ქართლში კიდევ ერთი სკოლის მშენებლობა მიმდინარეობს
შიდა ქართლში, კასპის მუნიციპალიტეტის სოფელ იგოეთში სკოლის მშენებლობა მიმდინარეობს.
120 მოსწავლეზე გათვლილი საგანმანათლებლო დაწესებულება საერთაშორისო სტანდარტების შესაბამისად მოეწყობა და მოზარდების საჭიროებებზე იქნება მორგებული.
სკოლაში თანამედროვე ტექნოლოგიებით აღჭურვილი საკლასო ოთახები, ბიბლიოთეკა და ლაბორატორია მოეწყობა, სადაც მოსწავლეები თეორიულთან ერთად, პრაქტიკული ცოდნის მიღებას შეძლებენ. გათვალისწინებულია უსაფრთხოების, გათბობის და წყალმომარაგების სისტემების დამონტაჟებაც.
იგოეთის ახალი სკოლის მშენებლობა საქართველოს მთავრობის და მსოფლიო ბანკის თანადაფინანსებით ხორციელდება. პროექტის ღირებულება 4.6 მილიონი ლარია.
