საზოგადოება
30.07.2025 11:57
გზების მშენებლობაში მოდიფიცირებული ასფალტის გამოყენება სავალდებულო გახდება

გზის ხარისხის და უსაფრთხო გადაადგილების უზრუნველსაყოფად, 2026 წლიდან გზების მშენებლობაში მოდიფიცირებული ასფალტის გამოყენება სავალდებულო გახდება, - ინფორმაციას აღნიშნულის შესახებ საქართველოს ინფრასტრუქტურის სამინისტრო ავრცელებს.

როგორც უწყებაში აცხადებენ, საავტომობილო გზების დეპარტამენტი გეგმავს, მომავალი წლიდან სახელმწიფო პროექტებში გზის საფარის ზედა ფენისთვის სავალდებულოდ განსაზღვროს მოდიფიცირებული ასფალტო ბეტონის გამოყენება.

„მოდიფიცირებული ასფალტი მნიშვნელოვნად აუმჯობესებს გზის საფარის გამძლეობას და მდგრადობას როგორც მაღალი ტემპერატურის, ისე ყინვის პირობებში. ის უკეთ ეწინააღმდეგება კლიმატურ და მექანიკურ დატვირთვებს, ამცირებს ბზარების წარმოქმნის რისკს, ზრდის გზის ექსპლუატაციის ვადას და უზრუნველყოფს სატრანსპორტო საშუალებების უკეთეს მოჭიდებას, რაც მძღოლების უსაფრთხოებასაც უწყობს ხელს“, - აცხადებენ უწყებაში.

კვირის ამბები