გორის მუნიციპალიტეტის სოფელ ნაწრეტში გზის რეაბილიტაცია მიმდინარეობს.

ადგილობრივი თვითმმართველობის ინფორმაციით, პროექტის მიხედვით, გზის სამ მონაკვეთზე, რომელთა ჯამური სიგრძე 1 776 მეტრია, ახალ საფართან ერთად, ტრანსპორტის სავალი ნაწილი, ​მიერთებები, ეზოში შესასვლელები და სანიაღვრე სისტემა მოეწყობა. გარდა ამისა, განთავსდება საგზაო ნიშნები და მონიშვნები.

სამუშაოების ღირებულება 825 000 ლარია.

პროექტი ადგილობრივი ბიუჯეტის დაფინანსებით ხორციელდება.