2026 წელს რაგბის 20-წლამდელთა მსოფლიო ჩემპიონატი საქართველოში ჩატარდება, - ამის შესახებ ინფორმაციას საქართველოს მთავრობის ადმინისტრაცია ავრცელებს.
აღნიშნული ჩემპიონატს საქართველო მეორედ უმასპინძლებს.
შეჯიბრში 16 გუნდი იასპარეზებს. საქართველოს სამხრეთ აფრიკის, საფრანგეთის, ახალი ზელანდიის, ინგლისის, არგენტინის, ავსტრალიის, უელსის, იტალიის, ირლანდიის, შოტლანდიის, ესპანეთის, ფიჯის, აშშ-ს, იაპონიის და ურუგვაის გუნდები ეწვევიან.
თამაშები თბილისსა და ქუთაისში გაიართება.
„უკვე მეორედ ვმასპინძლობთ 20-წლამდელთა ჩემპიონატს, რაც არა მხოლოდ ქართული რაგბის განვითარებისთვის, არამედ ჩვენი ქვეყნისთვისაც მნიშვნელოვანი ამბავია. ტურნირის ფორმატი იზრდება და 2026 წელს საქართველოში 12-ის ნაცვლად 16 გუნდი ითამაშებს. გამოწვევას კარგად უნდა გავართვათ თავი და 2017 წლის მსგავსად, ძალიან მაღალი დონის ჩემპიონატი ჩავატაროთ. წინ არის გამოწვევა, რომელსაც მაქსიმალურად კარგად უნდა გავართვათ თავი და მაქსიმალური შედეგი მივიღოთ, როგორც სპორტული, ასევე ოპერაციული, მარკეტინგული და სხვა ნებისმიერი მიმართულებით. ვფიქრობ, 20-წლამდელთა ჩემპიონატის მასპინძლობა საქართველოში რაგბის განვითარების კუთხით ახალ ტალღას გამოიწვევს და კიდევ უფრო მეტი ახალგაზრდა დაინტერესდება სპორტის აღნიშნული სახეობით. დამწყებ მორაგბეებს ექნებათ შესაძლებლობა იხილონ თუ როგორ თამაშობენ მსოფლიო რაგბის გრანდები და ამომავალი ვარსკვლავები“, - აღნიშნა საქართველოს რაგბის კავშირის პრეზიდენტმა დავით კაჭარავამ.
ცნობისთვის, რაგბის 20-წლამდელთა მსოფლიო ჩეპიონატი საქართველოში 2017 წელს ჩატარდა.