ევროპის XVIII ახალგაზრდული ოლიმპიური ფესტივალი დაიწყო.

სპორტის სხვადასხვა სახეობაში ასპარეზობები 26 ივლისის ჩათვლით გაგრძელდება.

საქართველოს ღირსებას სამი გორელი ძიუდოისტიც - გიორგი ბაბუციძე (66 კგ. გურამ პაპიტაშვილის სახელობის გორის ჭიდაობის კომპლექსური სპორტული სკოლა), გიორგი ზურაბაშვილი (90 კგ. გურამ პაპიტაშვილის სახელობის გორის ჭიდაობის კომპლექსური სპორტული სკოლა.) და იოანე აბალაკი (+90 კგ. ძიუდოს კლუბი „გორიჯვარი”) დაიცავს.

23 ივლისს გიორგი ბაბუციძე იასპარეზებს. რაც შეეხება ზურაბაშვილს და აბალაკს, სპორტსმენები ტატამზე 25 ივლისს გავლენ.

ევროპის XVIII ახალგაზრდული ოლიმპიური ფესტივალში სპორტის 15 სახეობაში 49 ქვეყნის 3000-ზე მეტი 14-18 წლის სპორტსმენი მონაწილეობს. საქართველოდან სპორტის ცხრა სახეობაში (ძიუდო, მაგიდის ჩოგბურთი, ბადმინტონი, მძლეოსნობა, ცურვა, ტყვიის სროლა, ველოსპორტი, ტაეკვონდო, სპორტული ტანვარჯიში) 36 სპორტსმენი ასპარეზობს.

შეჯიბრებების ძირითადი ნაწილი მაკედონიის ქალაქ სკოპიეში იმართება, რამდენიმე სპორტის სახეობაში კი ქალაქ კუმანოვოში (კალათბურთი, საგზატკეცილო და სამთო ველოსპორტი), მხატვრულად ტანმოვარჯიშეები კი ხორვატიის ქალაქ ოსიეკში შეეჯიბრებიან ერთმანეთს.