გორის მუნიციპალიტეტის საბავშვო ბაღებში საზაფხულო არდადეგები 26 ივლისიდან დაიწყება, - აღნიშნულის შესახებ „გორის მაცნეს“ სკოლამდელი აღზრდის სააგენტოში განუცხადეს.

„სააღმზრდელო პროცესი გორის მუნიციპალიტეტის ტერიტორიაზე მოქმედ ბაგა-ბაღებში 25 ივლისის ჩათვლით წარიმართება. რაც შეეხება არდადეგების ხანგრძლივობას და 2025-2026 სასწავლო წლის განახლების თარიღს, ბაღებში სწავლა 15 სექტემბერს განახლდება“, - აცხადებენ სააგენტოში.