16-18 ივლისს, გორის სახელმწიფო უნივერსიტეტში, ხელოვნების საერთაშორისო ფესტივალი - „მაჩაბელი“ გაიმართება.

ღონისძიება საქართველოს კულტურის სამინისტროს მხარდაჭერით ტარდება და უნივერსიტეტის 90 წლის საიუბილეო თარიღს ეძღვნება.

რაც შეეხება პროგრამას, ფესტივალის ფარგლებში არაერთი აქტივობა, მათ შორის, მასტერკლასები, პრეზენტაციები, დოკუმენტური ფილმების ჩვენება/განხილვა, თემატური დისკუსიები, მუსიკალური წარმოდგენები და ფოტოგამოფენებია დაგეგმილი.

„ფესტივალი სხვადასხვა ქვეყნის წარმომადგენლებს აერთიანებს, რომლებიც თანამედროვე და ტრადიციულ ხელოვნებას ინოვაციური ფორმატით წარმოაჩენენ. 90-წლიან ისტორიულ გზაზე უნივერსიტეტი აგრძელებს გზას, რომლის საფუძველიცაა განათლების, მეცნიერების და ხელოვნების მჭიდრო კავშირი“, - აცხადებენ ორგანიზატორები.