გ. ერისთავის სახელობის თეატრი, საგასტროლო ტურნეს ფარგლებში, ოზურგეთში გამართულ ნოდარ დუმბაძის V თეატრალურ საერთაშორისო ფესტივალში მიიღებს მონაწილეობას.

გორის თეატრის ადმინისტრაციის ინფორმაციით, დღეს, 7 ივლისს ნიკოლოზ ჰაინე-შველიძის ლიტერატურული მონოსპექტაკლის - „მე მოვალ - სიზმარი“ჩვენებაა დაგეგმილი.

წარმოდგენაში მაკა შალიკაშვილი და დავით დარჩია (რუსთაველის ეროვნული თეატრის მსახიობი) მონაწილეობენ.

თეატრმცოდნეთა თქმით, გალაკტიონის ლექსებსა და ჩანაწერებზე აგებული წარმოდგენა ერთგვარი გზამკვლევია და მაყურებელს პოეტის შემოქმედების ორიგინალურ და მეტად თავისებურ გააზრებას სთავაზობს.