საზოგადოება
25.06.2025 10:48
პროექტი „საოკუპაციო ხაზთან მცხოვრები და იძულებით გადაადგილებული ახალგაზრდების ფსიქო-სოციალური მხარდაჭერა“ დასრულდა
პროექტი - „საოკუპაციო ხაზთან მცხოვრები და იძულებით გადაადგილებული ახალგაზრდების ფსიქო-სოციალური მხარდაჭერა“ დასრულდა.
ადგილობრივი თვითმმართველობის ინფორმაციით, პროექტი, რომელიც ორი თვე მიმდინარეობდა, გორის მუნიციპალიტეტის მერიამ გორის სახელმწიფო უნივერსიტეტთან თანამშომლობით განახორციელა და საოკუპაციო ხაზის პერიმეტრზე მდებარე სოფლებში - მეჯვრისხევსა და არბოში მცხოვრები 14-დან 29 წლამდე პირები მონაწილეობდნენ.
ახალგაზრდებმა სტრესის და ემოციების მართვის ტექნიკები შეისწავლეს. მონაწილეებს შესაბამისი სერტიფიკატები გადაეცათ.
„ბენეფიციარებს განუვითარდათ პოზიტიური სოციალური უნარები. მიღებული ინფორმაცია მათ სამომავლო პერსპექტივების დასახვაში დაეხმარება. გარდა ამისა, ხელს შეუწყობს ახალგაზრდების საზოგადოებრივ ცხოვრებაში აქტიურად ჩართვას“, - აცხადებენ გორის მერიაში.
ღონისძიება გორის მუნიციპალიტეტის მერიის „ახალგაზრდული პროექტების თანადაფინანსების პროგრამის“ ფარგლებში განხორციელდა.
