სოფლის განვითარების სააგენტოს ინფორმაციით, თხილის წარმოების ხელშეწყობის პროგრამის ფარგლებში აგროქულების დარიცხვის პროცესი დაიწყო. შესაბამისი ქულები ეტაპობროვად დაერიცხება ყველა იმ პირს, ვინც აკმაყოფილებს პროგრამის პირობებს და ბაღები თხილის კადასტრში აქვს რეგისტრირებული.

„პროგრამაში ჩართულ პირებზე სუბსიდია გაიცემა ლიბერთი ბანკის აგრობარათზე შესაბამისი ქულების დარიცხვით. ქულების დარიცხვა ეტაპობრივად მიმდინარეობს. სპეციალიზებულ აგრო მაღაზიებში დარიცხული ქულების გამოყენების ბოლო ვადა კი 2025 წლის 31 აგვისტოა.

სოფლის განვითარების სააგენტო ფერმერებს და დაინტერესებულ მხარეებს შეახსენებს, რომ აგრობარათზე ქულების დარიცხვის შესახებ ინფორმაციის გადამოწმება შესაძლებელია ლიბერთი ბანკის ვებგვერდზე: myliberty. ge, “ - აცხადებენ სააგენტოში.

შეგახსენებთ, სუბსიდიის მისაღებად, საქართველოს მოქალაქე ფიზიკურ პირს საკუთრებაში ან/და ფაქტობრივ მფლობელობაში უნდა გააჩნდეს თხილის ბაღი, ჯამურად, არანაკლებ 0.2 და არაუმეტეს 3 ჰექტარი.

სუბსიდიის მოცულობა კი 1 ჰექტარ თხილის ბაღზე გადაანგარიშებით 500 ლარით განისაზღვრება.