კულტურა
16.06.2025 11:56
„მთებმა დახუჭეს თვალები“ - გორის თეატრში პრემიერისთვის ემზადებიან

გ. ერისთავის სახელობის თეატრში მორიგ პრემიერას აანონსებენ.

ვაჟა ფშაველას უკანასკნელი დღეების ქრონიკას სცენაზე რეჟისორი ნიკოლოზ ჰაინე-შველიძე გააცოცხლებს.

სპექტაკლის სახელწოდებაა „მთებმა დახუჭეს თვალები“, სცენარი კი პოემის - „ალუდა ქეთელაური“ მიხედვით დაიწერა.

წარმოდგენაში გორის თეატრის მსახიობებთან ერთად, მოწვეული არტისტებიც მონაწილეობენ: ომარ ბექაური, გიორგი გოგუაძე, კახი გაზდელიანი, გიორგი გელაშვილი ( შოთა რუსთაველის სახ. თეატრისა და კინოს სახელმწიფო უნივერსიტეტის სტუდენტი), ელენე დარჩია, ზაზა თედელური, სოსო მგალობლიშვილი, ანა ლევენცი (ქობულეთის დრამატული თეატრი), დავით დარჩია (რუსთაველის ეროვნული თეატრი), ქეთი ხიტირი (რუსთაველის ეროვნული თეატრი), მაკა შალიკაშვილი, ნოდარ ცერცვაძე და ამირან ქაჩიბაია.

წარმოდგენის გამართვის ზუსტ თარღს და დროს გორის თეატრი უახლოეს დღეებში დააანონსებს.

კვირის ამბები