გიორგი ერისთავის სახელობის დრამატული თეატრი ხვალ, 5 ივნისს ჩინეთის თეატრის დასს უმასპინძლებს.

საბავშვო და ახალგაზრდული თეატრის მეხუთე საერთაშორისო ფესტივალის - „თაობის“ პროგრამის ფარგლებში, გორელი მაყურებლის წინაშე ჩინეთის საბავშვო თეატრი სპექტაკლით - „სახლში დაბრუნება“ წარსდგება.

წარმოდგენა 15:00 საათზე დაიწყება და დასწრება თავისუფალია.

რაც შეეხება სპექტაკლის შინაარსს, „სახლში დაბრუნება“ - ეს არის ფიზიკური თეატრი ტექსტის გარეშე.

ფესტივალის - „თაობა“ ორგანიზატორი კი საქართველოს ხელოვნების სამეცნიერო-კვლევითი ინსტიტუტია საქართველოს მოსწავლე ახალგაზრდების ეროვნულ სასახლესთან ერთად.

ორგანიზატორების ინფორმაციით, აღნიშნულ ფესტივალს ევროპის ფესტივალების ასოციაციის ხარისხის ნიშანი ორჯერ აქვს მიღებული.